Partimos dun piso cunha luz moi interesante pero tremendamente fragmentado na súa distribución. De igual maneira os percorridos entre a zona de noite e a de día son confusos. A circulación realízase en forma de U ao redor dun patio interior que ten como final o único baño da vivenda nun extremo e a cociña no outro.
A decisión máis importante foi liberar o patio e deixar que a luz e os percorridos fluísen en torno ao mesmo. Repensouse a relación da cocina e a sala de estar con eses percorridos, mantendo a distribución na zona dos dormitorios.
Respecto aos materiais tratouse de conservar o máximo posible da carpintería interior de castiñeiro e os pavimentos. Substituíuse a carpintería exterior e mellorouse o illamento en fachadas para que a vivienda teña un comportamento higrotérmico correcto.