O obxectivo é xerar un mundo interno no que se superpoñan os usos propostos, liberando ao máximo cada nivel para conseguir fluidez nos percorridos.
Establécense dous paquetes funcionais:
– acceso + sala multifuncional
– obradoiros + sala de lectura + despachos
Deste xeito se permite un uso independente do edificio e mesmo a posibilidade de conquistalo en diferentes fases unha vez rematada a estrutura.
A estratexia a seguir consiste en crear unha atmosfera no interior que se relacione co exterior só para captar a luz necesaria para cada uso funcional.
Constrúense sucesións de dobre e triple altura que permiten ocupar o espazo que deixa libre o piso inmediatamente inferior e propiciar as vistas en diagonal.
O edificio artéllase a partir dunha franxa técnico-funcional que resolve os espazos servidores e deixa libre todo o espazo dispoñible na parcela para distribuír cada planta.